KABLAKIHUN. Directur Institusaun Luta Hamutuk "Mericio AKARA" hateten, Luta Hamutuk iha tan nia aktividades ida mak hanaran "BOOK REVIEW/Bedah buku", aktividades ne'e hala'o dala ida kada semana, aktividades Book review ne'e hala'o iha kada loron Sexta-Feira.
 |
| Apresentasaun husi "Tania" konaba : Komparasaun balansu gender no partisipasaun feto iha dezenvolvimentu nasional entre nasaun Pakista ho Timor-Leste |
Directur "Mericio AKARA" hateten liu tan katak aktividades "Book Review" ne'e involve Grupo Estudantes husi Universidades nebe mak organiza husi Institute Luta Hamutuk. Tuir Directur "Mericio AKARA" haklaken liu tan katak, iha tinan 2011 ne'e Institutu Luta Hamutuk konsege kordena Grupo Diskusaun iha nivel Universidades sira iha Dili laran mak hanesan :
- Universidade Nasional Timor Loro Sa'e (UNTL) iha Grupo diskusaun 3, mak hanesan: Grupo diskusi Estudante Buka Hatene iha Fakuldade FKIP, Grupo diskusaun ida iha FASPOL), Universidade Dili iha grupo diskusaun ida; Institutu Teknolojia DILI (DIT) iha grupo Diskusaun ida; Institute of Business (IOB)
Objectivu husi aktividades ne'e "Luta Hamutuk" loke espaso ba Estudantes Universidades sira hodi bele halibur an iha Grupo Diskusaun ida, hodi nune'e bele iha espasu atu kapasita Estudantes Universidade sira ho informasaun konaba : Transparensia iha industria minaria no gas, Fundo Petroliferu Timor Leste, Orsamentu Geral do Estado, Extractive Industry Transparency Initiative (EITI), oinsa hasae konesementu hodi hala'o Advokasi ba problema sosial iha nivele basis ba iha nivel nasional no mos oinsa hasae partisipasaun komunidades ba iha prosesu dezenvolvimentu nasional, no asuntu sosial nebe relevante.
Iha aktividaes Book Review ne'e apresentador/oradores sira ne'e bele mai husi: Luta Hamutuk rasik no mos narasumber/oradores balun husi parte akademia/expert sira seluk; Iha book review ne'e Luta Hamutuk fo fatin ba kada Grupo Estudantes sira ne'e sai naradores/orador ba sesaun book review ne'e.
Tidak ada komentar:
Posting Komentar