Estudantes Timor Oan Iha Kuba Rejeita Informasaun Husi MS

Estudantes Timor Oan Iha Kuba Rejeita Informasaun Husi MS

Written by Domingos Silva

Thursday, 09 June 2011 10:13 - Last Updated Thursday, 09 June 2011 10:17

Breaking news, Estudante Timor oan iha kuba rejeita informasaun ne'ebe hasai husi Ministeriu Saude, hafoin iha Quarta feira ne'e CJITL online hatun intervista ida ho Chefi Departamentu Registo Dezenvolvimento Profisionais Ministeriu Saude Francisco Perreira do Rego  ne'ebe

hateten katak kada fulan ne'en estudantes Timor oan, feto ida simu $1000 no mane ida simu

$900.

 

Tuir karta eletronika ne'ebe CJITL online simu via mail, estudante sira ne'ebe hala;o hela

estudo iha Kuba senti la satifas tebes ho informasaun ne'ebe Ministeriu Saude hateten liu husi

intervista ne'e.

Tuir mai ne'e, kuota estudantes Timor oan ne'ebe estuda hela medisina iha Kuba.

“Hau foin le informasaun ida maun fo ba hau nia amigo ida iha Cuba nee halo hau ladun fiar

aan ida, tan buat neebe Ministeriu Saude dehan nee agora nee lao ses oituan tan saida, Programa ida neebe uluk ami escuela ba nee mak simu hanesan maun dehan nee, Pepsodent

no sira seluk tan, maibe ida ahora ami escuela ba nee oin seluk oituan, no osan ne'ebe sira

temi ne'e la los ida” Hateten estudante ida ne'ebe husu atu CJITL labele publika nia naran.

? Tuir fali estudante ida seluk mos husu ba Ministeriu Saude atu labele kontinua ho informasaun

falsu sira ne'e.

“Buenas , hein katak ho informasaun bosok sira ne lable kontinua tan ba oin, no ami iha ne

desde uluk to ahora simu opsan la hanesan buat sira nebe  mak sira dehan ne, no cada mes ne

ami so simu deit US 70, ne ba mane no feto US 85, laos hanesan senor nebe mak kolia por

gusto deit ne.., amio laos iha ne cada fulan 6 simu US 900...ne bosok matak ami, se buat ne

mak hanesan ne duni entau bele dehan mai bele moris diak no  goja duni iha ne Cuba, mas

kuitado la hanesan ne tok ida, tamba ami siempre moris terus iha ne” hateten estudante ne'e.

Bainhira CJITL online hatun artigu ne'e, Editor CJITL kontinua simu karta email protesta husi

estudante sira iha Kuba ne'ebe hatudu sira nia insatisfasaun ba informasaun ne'ebe hato'o husi

Chefi Departamentu Registo Dezenvolvimento Profisionais Ministeriu Saude Francisco Perreira

do Rego. (Domingos da Silva/CJITL)

http://cjitl.org/cjitl-timor-ohin-loron/cjitl-breaking-news/533-estudantes-timor-oan-iha-kuba-rejeita-informasaun-husi-ms?format=pdf