Dezenvolvimentu Ekonomi Lao Diak, Presiza Ezekusaun OJE hosi PN

Kablakihun, Dili TP 28-03-2012

Wn 

DILI - Directur Luta Hamutuk Mericio Akara hatete dezenvolvimentu ekonomia no infrastrutura iha Timor Leste atu lao diak maka governu tenke ezekuta  orsamentu nebe governu aprova hosi Parlamentu Nasional (PN) ho montante nebe bo’ot.

Hau hanoin ita nia nasaun oras ne’e dadauk sei hasoru hela problema hanesan dezenvolvimentu ekonomia no Infra Strutura, ami nia hare ita nia Governu sira fo importansia liu ba festa demokrasia hodi halo promosaun politaka ba ema hotu, ida maka sai prekupasaun bo’ot ba ami, tamba labele resolve problema ekonomia iha rai laran, no festa demokrasia halo ema kontente maibe tempurariu deit fila ba uma nia tenke buka hahan, tan ne’e maka ita  labele dehan sei la resolve dezenvolvimentu ekonomia,” dehan nia liu husi konferensia da imprensa iha nia knar fatin, Farol Dili, tersa (27/3/2012.

Relasiona ho buat sira ne’e maka ami hakarak husu ba Guvernu atu tau prioridade liu ba Dezenvolvimentu ekonomia iha rai laran, karik ita hakarak kombate pobreza no mos populasaun nia moris iha ekonomia, tinan ne’e  Governu aloka orsamentu nebe bo’ot tebes U$ 1.6 Milioens kompara ho tinan seluk tinan ne’e maka alokasaun bo’ot liu karik maneza didiak maka sei resolve problema ekonomia iha rai laran iha tinan ne’e.

Maibe hela deit fulan hirak Guvernu ida ne’e atu remata tinan fiscal ida ne’e no estadu no realidade Governu Estadu no ema hotu preokupa liu ba elisaun ema maka kandidataan kontenti atu buka simpatia hodi manan poder, maibe sira nunka koalia oinsa atu ezekuta osan ne’e no festa demokrasia sei iha segundu ronde tan ne’e tempu barak liu ita atu gasta osan sira ne’e,” dehan Akara.

Tuir nia katak Governu rasik mos la fo importansia ba osan sira ne’e tamba PDHJ no CAC mos koalia Governu barak maka ba involve iha prosesu kampania no ura bele hanoin sira iha tempu ka lae atu halao sira nia knar hodi hare solusaun ba edekusaun orsamentu nee sira foin ezekuta milao 226.9 Dollar Amerikanu.

Iha fatin hanesan Elio Pereira Guimaraens mos hatutan katak oras ne’e dadauk ita nia governu sira sibuk  liu ba festa demokrasia ka hanoin ba povu nia moris.

Tamba ne’e iha buat barak nebe Luta Hamutuk hakarak atu deklara katak atu labele pridezika ba buat nebe fo impaktu ba povu nia moris tenke ezekuta orsamentu nebe ho montante bo’ot hetan aprovasaun hosi Parlamentu Nasional, atu nune buat hotu bele lao tuir nia dalan liu-liu Ekonomia no Infra Strutura atu lao diak iha Nasaun Timor Leste,” dehan nia.

Nune mos Estefanu Gomes mos hatutan katak durante ne’e Governu sira la dun rau importansia ba ekonomia rai laran sira sibuk  deit ho kampania kandidatura sira nian no sira nunka hare ba povu nia moris ne’e lao oinsa. “Tamba ita hare PN aprova osan barak maibe Infra Strutura mos to oras sei kontinua paradu Estrada kontinua taka kuak loke kuak la iha mudansa  maske orsamentu ne’e bo’ot tebes  maibe realidade laiha fakar  osan deit” Dehan nia. 

by; Kablakihun-Len/Jef.