Multi Stakeholders Working Group (MSWG) EITI Timor-Leste sai Fasilita Estabelesementu MSWG-EITI Nasaun Filipina

Dili, Iha loron 18-19 fulan Janeiro tinan 2013, representante Multi Stakeholders Working Group (MSWG) EITI Timor-Leste husi reporesentante Sosiedade Civil no mos representante Governu Timor-Leste partisipa iha Inkontru nasional ida konaba Transparensia iha Industria Extractivu (EITI) iha nasaun Filipina.   

 

Governu Timor-Leste, liu-liu Ministeriu Petroleum e Minarais (MPRN) no Multi Stakeholders Working Group EITI-Timor-Leste (MSWG-EITI, Timor-Leste) hetan konvida husi Presidente Filipina, hodi partisipa inkontru nasional konaba Extractiva Industria Transparensia Inisiativu (EITI), inkontru ne’e hala’o iha cidade Manila. Partisipantes nebe mak partisipa iha inkontru mai husi: Representante Governu Filipina, representante Sosiedade Civil Filipina no mos representante Kompania minarai nasional no mos internasional mak hala’o aktividade minerais iha Filipina, iha inkontru ne’e mos partisipa husi grupo Sosiedade Civil no mos representante Governu husi nasaun ASEAN sira seluk.   

Representanete husi Timor-Leste nain rua mak sai orador no fasilitator iha inkontru ne’e, maka hanesan: Ministru Petroleum e rekursus Minerais Timor-Leste (Sr. Alfredo Pires) no mos representante Organizasaun Sosiedade Civil (Directur Luta Hamutuk-Mericio AKARA). Ekipa Timor-Leste iha inkontru ne’e, xevia husi Ministru Petroleum e rekursus Minerais no fasilita husi Sek. EITI nasional. Representante Sosiedade Civil Timor-Leste iha MSWG EITI, mak Directur Luta Hamutuk MERICIO AKARA. Representante Sosiedade Civil Timor-Leste  ne’e hato’o “Esperensia involvimentu no kolaborasaun CSO Timor-Leste ba prosesu implementasaun EITI iha Timor-Leste. Directur Luta Hamutuk MERICIO AKARA hateten, katak involvimentu CSO mak sei determina no garante implementasaun EITI ne’e la’o diak. AKARA mos hateten liu tan, hodi garante diak liu tan implementasaun EITI ne’e, servisu MSWG EITI nebe mak tenke liu husi konsensu, nune’e importante mak iha MSWG mak forte”. 

Ho oportonidade iha Inkontru ne’e Timor-Leste konsege fahe/sharing-MSWG-EITI Timor-Leste nia esperensia fou-foun Timor-Leste adopta iha inisiativa Extractive Industry Tranparency Initiative (EITI) to’o Timor-Leste sai nasaun kompridor ba inisiativa EITI ne’e, iha regiaun ASIA Pacific. 

Iha inkontru ne’e mos nasaun Filipina husu oradores husi Timor-Leste fasilita hodi harii MSWG-EITI nasaun Filipina nian, ho nune’e iha loron mak hanesan (19/01/2013) Nasaun Filipina deklara ona sira nia komitmentu hodi adopta inisiativa EITI ne’e, tuir planu Governu Filipina nia, sira sei hato’o mos sira (Filipina red) nia komitmentu hodi adopta inisiativa EITI ne’e iha EITI Board Meeting nebe mak sei hala’o iha Cidade Sidney-Australia tinan 2013. 

Directur Luta Hamutuk hateten liu tan katak ”Inkontru ne’e nudar oportonidade diak ba Timor-Leste hodi fahe esperensia konaba EITI, esperensia Timor-Leste nian oinsa jere osan husi industria minarai no gas, oportonidade ne’e parte kontribuisaun Timor-Leste nian nudar nasaun kandidatu ba membru ASEAN”   

Autor:Team Oil Transparency Luta Hamutuk

Laurentino Alves//Kablakihun