Luta Hamutuk: Kazu Korupsaun Iha TIMOR LESTE "Alfandega Kampaiaun” Iha Relatoriu KAK

Kablakihun: 

Jornal Nacional Diario - Segunda, 19 Dezembru

sH

Mericio Akara, hato'o apresentasaun prespectiva CSO

Diretur Ezekutivu Luta Hamutuk, Mericio Akarak informa katak, relatoriu Komisaun Anti Korupsaun (KAK) nebe fo sai iha loron Mundial Anti Korupsaun tau Diresaun Nasional Alfandega sai nudar “kampiaun” ho prezentazen 87 ba kazu KKN nian.

Kazu korupsaun ne’e, tuir kedan Ministeriu Edukasaun ne’ebe lidera husi Joao Cancio Freitas iha numeru rua ho prezentazen 85, no Minsiteriu Saude ho Procuradoria Gerald a Republika ho prezentazen 81%.

Mericio hateten, ho hahalok no hatetude KKN nebe akontese iha instituisaun estadu sira ne’e lori Timor Leste okupa fatin numeru 143 husi total nasaun 180 iha mundu tomak.

“Tuir dadus indeks prestasaun korupsaun iha mundu ne’e, Timor Leste mos inklui nasaun koruptu, ne’e reportazen husi internasional, agora, lazu korupsaun hanesan iha rai laran rasik, KAK indika katak departementu balun tama iha indeks korupsaun nebe a’as,” dehan Akara ba JNDiario, Sesta (16/12) iha farol Dili.

Ministeriu seluk ne’ebe mos iha kazu korupsaun tuir Luta Hamutuk nia observasaun, hanesan, Ministeriu Agrikultura no Peskas, MTCI, Ministeriu Justica no Ministeriu Infraestrutura.

Tuir Luta Hamutuk nia haree katak, Korupsaun sira ne’e mosu tamba sistema kontrolu ladun lao, ne’e mak halo ema ne’ebe kaer poder no livre bele halo asesu no uza osan estadu nian, inklui fasilidade no material estadu nia.

Nia mos hatutan, korupsaun mosu tamba, ema nebe kaer poder la dun iha mentalidade diak no laiha nasionalizmu patriotismu hodi servi povu.

“Ema sira ne’ebe kaer poder ne’e sira nia mentalidade mesak hakarak buka osan lalais, hakarak hariku an, hakarak manipula para hetan benefisiu bot,” dehan nia.